बाबुराम पोख्रेल,

८ चैत्र २०७५ । विजय सामुदायिक शिक्षा सदनको कक्षा ५ मा अध्ययनरत विद्यार्थीहरुले माटोका भाँडा निर्माण गरेका छन् ।

अन्तर्राष्ट्रिय स्कुल अवार्ड (ISA) कार्यक्रममा सहभागि भएको विद्यालयले २० प्रतिशत स्थानीय पाठ्यक्रम अन्र्तगत रहेको कुमाल संस्कृति बारे अध्ययन गर्न माटोका भाँडाहरु र्मिाण गर्ने स्थानमा गइ अवलोकन गरी माटोको भाँडा बनाएका छन् ।

विद्यार्थीहरुले कुमाल संकृतिमा माटोको भाँडा कसरी बनाइन्छ भन्ने विषयमा अवलोकन का साथ साथै त्यस पेशाको बारेमा जानकारी लिएका छन् ।

यस अघि पनि विद्यार्थीहरुको विद्यालयमा विभिन्न माटोको भाँडाहरु पनि निर्माण गरेका थिए । यसका साथसाथै विद्याथीहरुले नवलपुर महोत्सव २०७५ मा निर्माण गरिएको कुमाल जातीको घर तथा प्रदर्शन गरीएको कुमाल नृत्यको पनि अवलोकान गरेका थिए ।

फाल्गुण २८, गैंडाकोट । गैंडाकोटमा भएको दोस्रो उप मेयर कप अन्तर मा.वि छात्रा फुटबल प्रतियोगिता २०७५ को उपाधि विजय सामुदायिक शिक्षा सदनले हात पारेको छ ।

गैंडाकोट स्थित क्षेत्रीय रंगशालामा शुक्रबार बाल ज्योति मा.वि.लाई ट्राइबेकरमा २–१ गोल अन्तरले पराजित गर्दै विजय सामुदायिक शिक्षा सदनले उपाधि हात पारेको हो । प्रतियोगितामा प्रथम हुने विजय सामुदायिक शिक्षा सदनले ४० हजार नगद, सिल्ड, मेडल र प्रमाण पत्र हात पा¥यो ।

विजय सामुदायिक शिक्षा सदनकी अनीता नेपाली उत्कृष्ट पेलेअर, विजय सामुदायिक शिक्षा सदनकै छात्रा नीता लामा उत्कृष्ट गोलकिपर घोषित हुनुभयो । उच्च गोलकर्ता विजय सामुदायिक शिक्षा सदनकी छात्रा मनीषा न्यौपाने सम्मानित हुनुभएको थियो ।

गैंडाकोट नगरपालिकाका नगर प्रमुख छत्रराज पौडेलको अध्यक्षतामा भएको समापन कार्यक्रममा जिल्ला फुटबल संघ नवलपरासीका महासचिव लक्ष्मण कार्की, जिल्ला खेलकुद विकास समितिका उपाध्यक्ष हरि पौडेल, गैंडाकोट खेलकुद समितिका उपाध्यक्ष पूर्ण गुरुङ, महिला सञ्जालकी राधा लामिछाने, नेपाल महिला संघकी नगर अध्यक्ष कमला तिवारी लगायतको विभिन्न वडाका वडाध्यक्ष लगायतको उपस्थिति रहेको थियो । समापन कार्यक्रममा प्रमुख कार्यकारी अधिकृत रामप्रसाद आचार्यले स्वागत गर्नुभएको थियो ।

स्वास्थ्यका लागि खेलकुद राष्ट्रका लागि खेलकुद भन्ने अभिप्रायका साथ गैंडाकोट सञ्चालित गैंडाकोट दोस्रो उपमेयर कप अन्तर मावि छात्रा फुटबल प्रतियोगितामा १६ वटा टिमले सहभागिता जनाएको गैंडाकोट महिला फुटबल क्लबकी अध्यक्ष दुर्गा घिमिरेले जानकारी दिनुभयो । गैंडाकोट नगरपालिकाको आयोजना, गैंडाकोट महिला फुटबल क्लबको संयोजन एवं गैंडाकोट खेलकुद समितिको प्राविधिक सहयोगमा प्रतियोगिताको सम्पन्न भएको हो ।

विजेता विद्यार्थीहरु तथा विद्यार्थीका अभिभावकहरुलाई विद्यालयमा सम्मान

यसै बिच विजय सामुदायिक शिक्षा सदनले विजेता विद्यार्थीहरु तथा विद्यार्थीका अभिभावकहरुलाई विद्यालयमा सम्मान सम्मान गरेको छ ।

फाल्गुण २८ गते विद्यालय परिसरमा विद्यालय व्यवस्थापन समितिका अध्यक्ष टिकाराम कंडेल, सचिव लक्ष्मण कण्डेल, समिति सदस्य लक्ष्मण कार्की उपस्थित राहेको कार्यक्रममा विजेता विद्यार्थीहरुलाई मेरिटकार्ड, अभिभावकलाई खादा ओढाएर सम्मान गरिएको थियो ।

कार्यक्रममा विद्यालयका अध्यक्ष टिकाराम कंडेलले विजयी विद्यार्थीलाई बधाई दिँदै विद्यालय यस क्षेत्रमा शैक्षिक गुणस्तरमा मात्र नभै अतिरिक्त क्रियाकलापमा पनि उत्कृष्ट रहेको जानकारी दिनुभएको थियो ।

फाल्गुण २१, २०७५। गैंडाकोट क्षेत्रीय रंगशालामा यहि फागुन १७ गते देखि जारी दोस्रो उपमेयर कप फुट्बल प्रतियोगितामा विजय सामुदायिक शिक्षा सदन सेमिफाईनलमा प्रव्ेश गरेको छ । २१ गते मंगलबार भएको क्वाटर फाइनलको खेलमा विजय सामुदायिक शिक्षा सदनले गैंडाकोट इङलिस स्कुललाई ४÷० गोल अन्तरले पराजित गरेको हो ।

दिउँसो ३ः०० बजे बाट सञ्चालन भएको खेलमा विद्यालयकी छात्रा मनिष न्यौपानेले एक्लै ३ गोल गरेकि थिइन भने रस्मी चालिसेले १ गोल गरेकि थिइन् । उक्त खेलमा विजय सामुदायिक शिक्षा सदनकी छात्रा मनिषा न्यौपाने वुमन अफ द म्याच भएकी थिइन ।

यस अघि फाल्गुण १७ गते मुकुन्द सेन बोर्डिङ सँग भएको खेलमा विजय सामुदायिक शिक्षा सदन ४ः० गोल अन्तरले विजय भएको थियो । उक्त दिन विद्यालयकी छात्रा मनिषा रिजालले २ गोल तथा रस्मी चालिसे र मनिषा न्यौपानेले समान १ १ गोल गरेका थिए ।

सोहि दिन विजय सामुदायिक शिक्षा सदनकी छात्र मनिषा रिजाल वुमन अफ द म्याच भएको विद्यालयका अतिरिक्त क्रियाकला संयोजक श्रीधर पाठकले जानकारी दिनु भयो । फागुन १७ गते देखि सञ्चालन भएको खेल फागुुन २४ गते सम्पन्न हुने छ ।

गैंडाकोट २०७५ फाल्गुण ५ । विजय सामुदायीक शिक्षा सदनको भुतपूर्व विद्यार्र्थी मञ्चले विद्यालयको १७ औँ वार्षिकोेत्सवको अवसरमा आयोजना गरिएको फुटसल तथा टेबल टेनिस प्रतियोगीता सम्पन्न गरेको छ ।

४ वटा विद्यालयको सहभागीता रहेको टेबल टेनिस प्रतियोगीतामा कन्टिनेन्टल बोडिङ्गका कुशल राई प्रथम, कन्टिनेन्टल बोडिङ्गका भरत आले द्वितिय र विजय सामुदायीक शिक्षा सदनका सुदीप लामाले तृतिय स्थान हासील गर्न सफल हुनुभयो ।

यसैगरी फुटसल तर्फ ८ वटा विद्यालय बाट ९ वटा टिमको सहभागीता रहेको थियो । जस मध्य कृष्ण गण्डकी मा.वि ढोडेनीले प्रथम स्थान हासील गर्न सफल भएको थियो भने कालिका मा.विले दृतिय स्थान हासील गर्न सफल भएको थियो ।

कार्यक्रममा विद्यालय व्यवस्थापन समितिका अध्यक्ष टिकाराम कडेंल प्रमुख अतिथिको रुपमा रहनु भएको थियो । कार्यक्रममा गैंडाकोट नगरपालिका वडा नम्ब ३ का वडा अध्यक्ष शिवकान्त तिवारी, विद्यालय व्यवस्थापन समितिका सदस्य तथा गैंडाकोट खेलकुद समितिका अध्यक्ष लक्ष्मण कार्की तथा विद्यालयका कार्यकारी प्रमुख खेमराज सापकोटा,विद्यालयका प्रधानाध्यापक रामचन्द्र न्यौपाने विशिष्ट अतिथिको रुपमा रहनु भएको कार्यक्रममा भूतपूर्व विद्यार्थी मञ्चका उपाध्यक्ष तथा कार्यक्रम संयोजक निर्मल सुवेदिले अध्यक्षता गर्नु भएको थियो । उक्तm कार्यक्रममा नवलपरासी जिल्ला फुटसल संघकी लक्ष्मी अधिकारी, महिला फुटबल क्लब गैंडाकोटकि दुर्गा घिमिरे, गैंडाकोट फुटबल बाल क्लबको अध्यक्ष मनिषा रिजाल संगै विभिन्न विद्यालयका प्रतिनिधिहरुको उपस्तिथि रहेको कार्यक्रम सञ्चालक भूतपूर्व विद्यार्थीमञ्चका अध्यक्ष विपिन कंडेलले जानकारी दिनुभयो ।

बाबुराम पोख्रेल ।
गैंडाकोट २०७५माघ १० । विजय सामुदायिक शिक्षा सदनले त्रीदिवशीय खेलकुद कार्यक्रममा विजेता विधार्थीलाई बुधबार पुरस्कार वितरण गरेको छ । १७ औं बार्षिक उत्सवको अवसरमा गरेको उक्त खेलकुद कार्यक्रममा विजेता विद्यार्थीलाई एक औपचारीक कार्यक्रमका बीच बुधबार पुरस्कार वितरण गरीएको हो ।

उक्त खेलकुद कार्यक्रममा फुटबल भलीबल, क्रिकेट, कबड्डी लगायतका २१ प्रकारका खेलहरुमा १ हजार ८७ जना विद्यार्थीको सहभागीता रहेको थियो । उक्त कार्यक्रममा प्रथम स्थान हासील गर्न सफल ३८४ विद्यार्थीलाई गोल्ड मेडल, द्वितीय स्थान हासील गर्न सफल २७५ विद्यार्थीलाई सिल्भर मेडल, तृतिय स्थान हासील गर्न सफल ११५ विद्यार्थीलाई ब्रोन्ज मेडल प्रदान गरीएको थियो ।

कार्यक्रममा विद्यालय व्यवस्थपन समितिका अध्यक्ष टिकाराम कडेंल प्रमुख अतिथिको रुपमा रहनु भएको थियो । कार्यक्रममा विद्यालय व्यवस्थापन समितिका सचिव लक्षमण्म कडेंल सदस्य रत्न प्रसाद सापकोटा, फुलुमाया पराजुली, विद्यालयका कार्यकारी प्रमुख खेमराज सापकोटा, पुर्व प्रध्यानध्यापक विश्व प्रकाश न्यौपाने लगायत शिक्षक तथा विद्यार्थीको उपस्तिथि रहेको कार्यक्रममा अतिरिक्त क्रियाकलाप संयोजक श्रीधर पाठकले स्वागत गर्नुु भएको थियो । विद्यालयका प्रध्यानाध्यापक रामचन्द्र न्यौपानेको अध्यक्षतामा सम्पन्न भएको उक्त कार्यक्रमको सहजीकरण शिक्षिका रञ्जना लामिछानेले गर्नु भएको थियो ।

बाबुराम पोख्रेल गैँडाकोट, २७ माघ । विजय सामुदायिक शिक्षा सदन गैँडाकोटले आइतबार नयाँ भवनको शिलन्यास तथा विद्याकी देवि सरस्वतीको विशेष पुजा सम्पन्न गरेको छ । भुमि पुजा संस्थाका अध्यक्ष टीकाराम कंडेलले गर्नु भएको कार्यक्रममा हरिहर सन्यास आश्रमका पिठाधिस श्री १००८ स्वामी ज्ञानानन्द सरस्वती बाट शिलान्यास भएको थियो। उक्त कार्यक्रममा गैंडाकोट नगरपालिकाका मेयर छत्रराज पौडेल, उपमेयर विष्णुकुमारी कंडेल बुद्धि जिवि, समाज सेवी, संस्थाका सञ्चालक समिति, लेखा समिति, विजय परिवारका विभिन्न संस्थाका अध्यक्षहरु को उपस्थिति रहेको थियो ।

सरस्वती पूजाको दिन शुभसाइत पारेर नयाँ भवन शिलन्यास कार्यक्रम गरिएको विद्यालयका कार्यकारी प्रमुख खेमराज सापकोटाले बताउनुभयो । गैँडाकोट नगरपालिकाको नयाँ भवन नजिक रहेको प्राथमिक भवन परिसरमा नयाँ भवन बनाउन लागिएको हो । नयाँ बन्ने भवन बाल मैत्री अवधारणा र भूकम्प प्रतिरोधात्मक हुने कार्यकारी प्रमुख सापकोटाले बताउनुभयो । नयाँ भवनमा एक वटा सभाहल सहित १६ वटा कक्षा कोठाको तीन तले भवन बन्नेछ ।
यसै गरी प्रत्येक वर्ष माघ शुक्ल पञ्चमीका दिन मनाइने विद्याकी अधिष्ठात्री देवी सरस्वतीको यस वर्ष पनि पूजा आराधना गरी मनाइएको छ । विद्यालय जान उमेर पुगेका करिब १०० जना साना बालबालिकालाई विद्यालयमा अक्षरारम्भ तथा भर्ना गरिएको विद्यालयका प्रधानाध्यापक रामचन्द्र न्यौपानेले जानकारी दिनुभयो ।

गैँडाकोट, २६ माघ । विजय सामुदायिक शिक्षा सदन गैँडाकोटले आइतबार नयाँ भवनको शिलन्यास गर्ने भएको छ । सरस्वती पूजाको दिन शुभसाइत पारेर नयाँ भवन शिलन्यास कार्यक्रमको आयोजना गरिएको विद्यालयका कार्यकारी प्रमुख खेमराज सापकोटाले बताउनुभयो । गैँडाकोट नगरपालिकाको नयाँ भवन नजिक रहेको प्राथमिक भवन परिसरमा नयाँ भवन बनाउन लागिएको हो । नयाँ बन्ने भवन बाल मैत्री अवधारणा र भूकम्प प्रतिरोधात्मक हुने कार्यकारी प्रमुख सापकोटाले बताउनुभयो । नयाँ भवनमा एक वटा सभाहल सहित १६ वटा कक्षा कोठाको तीन तले भवन बन्नेछ । सरस्वती पूजा तथा भवन शिलन्यास कार्यक्रम भोली विहान साढे ७ बजे पछि सुरु हुने विद्यालयले जनाएको छ ।

हरेक कलाले मानव मनलाई आकर्षित गरीरहेकै हुन्छ। त्यसै माथि मूर्र्तीकलाको त झन् कुरै नगरौँ । कलम र बिभिन्न रंगले कापीका पानामा चित्र कोरेको त सबैले देखेकै छौै तर बगरका ढुुङ्गामा पनि त्यस्तै चित्र कोर्न मिल्छ भन्दा अचम्म लाग्न सक्छ । हो त्यस्तै अचम्ममा थिए आइतबार न्यु मध्यरात मूर्र्तिकला स्टुडियो गोन्द्राङमा पुगेका कक्षा ७ मा पढ्ने विजय सामुदायिक शिक्षा सदनका विद्यार्थीहरु । कक्षा कोठामा सैद्दान्तिक रुपमा पाठ्य पुस्तक बाट ज्ञान लिएका विद्यार्थीहरु प्रत्यक्ष रुपमा अवलोकन गर्न पाएकोमा निकै खुसी देखिन्थे । सुनेको, पढेको कुराहरुमा भँदा देखेको हेरेको अनि आफै सहभागी भएर गरेको कुराहरु बाट धेरै ज्ञान लिन सकिने भएकाले उनीहरुलाई त्यहाँ लगिएको थियो । ढुङ्गामा कुदिएका अनेक देवीदेवताका आकृति अनि लखेट्न पो आउने हुन् कि जस्ता देखिने बाघ र गैडाका मूर्ति देखेर छक्क परेका विद्यार्थीहरु मूर्तिकार सुर्य मध्यरातसंग अनेक जिज्ञासा पनि तेर्साइरहेका थिए। कापीको पानामा त हामीले पेन्सिलले कोरेर बिग्रिएको ठाँउमा इलेजरले मेटाएर चित्र बनाउछौँ । ढुङ्गा त यस्तो साह्रो हुन्छ बिग्रियो भने मेटाउन पनि मिल्दैन अनि यस्तो ढुङ्गामा यस्तो राम्रो राम्रो चित्र कसरी बनाउनुहुन्छ भन्ने विद्यार्थीको जिज्ञासामा सुर्य मध्यरात भन्छन् – चित्र मैले बनाएको होइन, चित्र त पहिले देखि नै ढुङ्गामा थियो,मैले त त्यहाँ भएका अनावश्यक कुरा मात्रै फालेको हुँ । उनको यस्तो जवाफले विद्यार्थीहरुमा मूर्तिकलाका बारेमा जान्ने र बुझ्ने उत्सुकता झन् बढेको जस्तो देखिन्थ्यो । मूर्तिकलाको विकासक्रम वर्तमान अवस्था तथा मूर्ति बनाउन आवश्यक पर्ने सामागीको बारेमा बुझाइसके पछि प्रत्यक्ष रुपमा विद्यार्थीलाई नै छिनो, हम्मर लगायतका सामाग्री दिएर ढुङ्गामा खोप्न पनि सिकाइएको थियो । विद्यार्थीहरु मूर्ति हेरेर घण्टौ सम्म टोलाइरहेका थिए । सबै विद्यार्थीहरुको मनमा एउटै प्रश्न थियो यस्तो कसरी बन्छ ? विषयवस्तुको प्रकृति अनुसार विद्यार्थीलाई अवलोकन भ्रमणका लागि बिभिन्न ठाँउमा लगिदै आइएको छ । पछिल्लो समय विद्यालय आइ.एस.ए प्रोजेक्टमा सहभागी भएकाले पनि विद्यार्र्थीहरु विभिन्न प्रोजेक्ट अन्र्तगत फिल्ड भिजिट गरी रहेका छन् । यस अघि प्रशिक्षक नै राखि विद्यार्थीलाई च्याउ खेती गर्ने विषयमा प्रशिक्षण दिइएको थियो । विद्यालयमै पराल काट्ने, झाँट्ने जस्ता बिभिन्न काम विद्यार्र्थी द्वारा गराएर विद्यार्थीलाई व्यवहारिक ज्ञान दिइएको थियो ।

बाबुराम पोख्र्रेल
सिनर्जी एफएमले आयोजना गरेको “प्रोफेसनल एजुकेसन पब्लिक स्पिकिङ च्याम्पियन–२०१९” मा विजय सामुदायिक शिक्षा सदनका ५ जना विद्यार्थी दोस्रो चरणमा प्रवेश गरेका छन् । २०१९ का लागि सिनर्जी एफएमले आयोजना गरेको “प्रोफेसनल एजुकेसन पब्लिक स्पिकिङ च्याम्पियन–२०१९” को गैंडाकोटको अडिसन विजय सामुदायिक शिक्षा सदनबाट सुरु गरेको हो ।
एफ एफले माघ २२ गते विजय सामुदायिक शिक्षा सदन गैंडाकोटको सभाहल बाट शुरु गरेको अडिसनमा विजय सामुदायिक शिक्षा सदन, साइनिङ्ग इङलिस बोर्डिङ स्कुल, कालिका माध्यमिक विद्यालय लगायतका विद्यालयका १२ जना विद्यार्थीले सहभागीता जनाएका थिए । जहाँ बाट बाट बिजय सामुदायिक शिक्षा सदनका ५ जना विद्यार्थी दोस्रो चरणको लागि छनोट भएको निर्णायक प्रवेश किरण अधिकारीले जानकारी दिए ।

छनोट हुने विद्यार्थीहरुमा विज्ञान पौडेल , एस्वर्या गिरि, प्रदिप्ती कंडेल, साहारा सापकोटा, स्नेहा विक दोस्रो चरणको लागि छनोट भएका हुन् ।
विभिन्न विद्यालय र कलेजमा नै पुगेर एफएमले विद्यार्थीहरु भित्र लुकेको वाक कलालाई उजागर गर्ने उद्देश्यले पब्लिक स्पिकिङ्ग च्याम्पियनको अडिसन गर्दै छ । यस अघि सिनर्जी एफएम ले पुर्वी चितवनमा गरेको छनोट चरण बाट १५ जना विद्यार्थी दोस्रो चरणका लागि छनिएका छन् । सिनर्जी एफएमले शुरु गरेको वक्तित्वकला प्रतियोगिता अर्थात “प्रोफेसनल एजुकेसन पब्लिक स्पिकिङ च्याम्पियन–२०१९” को अडिसन चितवन र नवलपुरका ९० वटा विद्यालय र कलेजमा नै पुगेर गर्ने एफ एम ले जनाएको छ । विभिन्न चरणमा गरेर तिन महिना सम्म चलने प्रतियोगीमा ४०० विद्यार्थीहरूको सहभागिता जनाउने छन् । अडिसन चरणबाट ६० जना विद्यार्थी लाई दोश्रो चरणमा प्रवेश गराउने एफएमका स्टेशन म्यानेजर पौडेलले जानकारी दिए । उनका आनुसार तेश्रो चरणमा ३० र अन्तिम चरणमा १० जना विद्यार्थीहरूले प्रतियोगितामा प्रतिस्पर्धा गर्ने छन् । प्रतियोगितामा अन्तिम प्रतिस्पर्धाबाट प्रथम हुनेले नगद एकलाख, द्वितीय हुनेले नगद ५० हजार र तृतीय हुनेले नगद २५ हजारको साथमा आकर्षक ट्रफी, मेडल र प्रमाणपत्र प्राप्त गर्नेछन् ।

गैंडाकोट । विजय सामुदायिक शिक्षा सदनले विद्यार्थीलाई अन्तर्राष्ट्रियस्तरमा दक्ष जनशक्तिको रुपमा स्थापित गर्नका लागि इन्टरनेसनल स्कुल अवार्ड (आइ.एस.ए.) प्रोजेक्टमा भाग लिएको छ । यसअन्तर्गत विद्यालयका विद्यार्थीसँगै शिक्षक साथीहरु मिलेर विभिन्न प्रोजेक्ट गर्दै आएका छन् । आइ.एस.ए अन्तर्गत रहेका विभिन्न प्रोजेक्टमध्ये अहिले विद्यार्थीहरु विद्यालयमा सुरु भई रहेको ‘जुनियर अन्तरपेनर’ प्रोजेक्टको च्याउ खेतीमा व्यस्त छन् । यसका विषयमा विद्यालयले प्रशिक्षक नै राखेर प्रशिक्षण दिएको थियो । तालिममा प्रशिक्षक दुर्गा लामिछानेले विद्यार्थीलाई च्याउ खेतीबारे सुरुवाती चरणबाट अन्तिम चरणसम्म प्रशिक्षण दिनुभएको थियो । जसमा च्याउ खेती कसरी गर्ने ? यसबाट व्यवसायी कसरी बन्न सकिन्छ ? भन्ने विषयमा विद्यार्थीलाई व्यावहारिक रुपमा शिक्षा दिइएको थियो ।
विद्यालयकी शिक्षिका एवं उक्त प्रोजेक्टका संयोजक गंगा पौडेल भन्नुहुन्छ— ‘हालको परिपे्रक्ष्यमा विद्यार्थीलाई सैद्धान्तिक ज्ञानभन्दा पनि व्यावहारिक ज्ञान दिन आवश्यक छ । विद्यालयको कक्षा कोठामा राख्दैमा विद्यार्थीलाई घोकाउन त सकिएला तर समाजका अघि खडा गराउन मुस्किल पर्छ । यसका लागि विद्यार्थीलाई यस्ता प्रयोगात्मक शिक्षा दिन आवश्यक रहेको छ ।’
यसका लागि विद्यार्थीहरु पनि निकै उत्साहित भएका छन् । च्याउ खेतीका बारेमा अध्ययन गरिसकेपछि आफ्ना छरछिमेकीलाई पनि सिकाएर आत्मनिर्भर बनाउने लक्ष्य राखेका छन्। विजय सामुदायिक शिक्षा सदन कक्षा ८ मा पढ्ने पुष्प कमल कँडेल विद्यालयले दिएका यस्ता सीपमूलक सिकाइले हालका सन्र्दभमा मात्रै नभई भविष्यमा पनि आत्मनिर्भरसँगै कृषि क्षेत्रमा केही योगदान पु¥याउन महŒवपूर्ण रहेको बताए । उनी मात्रै होइन उक्त प्रोजेक्टमा संलग्न अनुषा अधिकारी पनि नेपालमा एकदमै प्रख्यात रुपमा चलिरहेको तरकारी च्याउबाट आपूm पनि सहज तरिकाले व्यवसायी बन्न सकिँदो रहेछ भन्ने बताइन् । साथै उनले विद्यार्थीभित्र भएको प्रतिभालाई प्रस्फुटन गर्नका लागि विद्यालयले गरेका कामप्रति धन्यवाद व्यक्त गरिन ।हालका सन्दर्भमा विद्यार्थीलाई विद्यालयको कक्षा कोठामा राखेर पढाउनुभन्दा प्रयोगात्मक शिक्षण विधिअन्तर्गत प्रत्यक्ष रुपमा स्थलगत अध्ययन गराई शिक्षा प्रदान गर्दा प्रभावकारी हुने देखिन्छ । जुन विजय सामुदायिक शिक्षा सदनले गर्दै आएको छ । यसका साथै अन्य विद्यालयभन्दा फरक तरिकाले अर्थात् विद्यालयमा विद्यार्थीको रुचिअनुरुप विजय सामुदायिक शिक्षा सदनले विद्यालयको शैक्षिक गुणस्तर बढाउँदै गएको छ । विद्यार्थीलाई आवश्यक अनुरुप भौतिक पूर्वाधारको पनि व्यवस्था गरेको छ । यसरी विद्यार्थीको अभिरुचि बुझेर पढाउने हो भने साँच्चै पढाइमा गुणस्तरीयता बढ्दै जानसक्ने देखिन्छ ।